ചെറുവത്തൂര്‍: നാട്ടുകോഴികള്‍ക്കൊപ്പം ചിക്കിച്ചികഞ്ഞ് കാട്ടുകോഴികളും. പിലിക്കോട് എരവിലെ കെ.വി. പത്മനാഭെന്‍റ വീട്ടിലാണ് കോഴികള്‍ക്കൊപ്പം നാല് കാട്ടുകോഴികളും വളരുന്നത്. ഒന്നിച്ച്‌ നടക്കുകയും ഇരതേടുകയും ചെയ്യുമെങ്കിലും ഇടക്ക് ഇവ ഇടയും.
വളരെ ഉയരമുള്ള മരത്തിലേക്ക് പറക്കുകയും വേഗത്തില്‍ ഓടുകയും ചെയ്യും. വീടിനുസമീപത്തെ പിലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തിലെ കുറ്റിക്കാട്ടില്‍നിന്നാണ് ആദ്യമായി കാട്ട് പൂവന്‍കോഴി ഇവിടേക്ക് എത്തിയത്.
നാടന്‍ കോഴികളുമായി ഇണങ്ങുകയും ഇണചേരുകയും ചെയ്തതിനെ തുടര്‍ന്നാണ് നാല് കുഞ്ഞുങ്ങള്‍ വിരിഞ്ഞത്. പരിചയമുള്ളവരൊഴികെ മറ്റ് ആരെ കണ്ടാലും ഇവ ഓടിയൊളിക്കും.
സാധാരണ കോഴികള്‍ക്കൊപ്പം തന്നെയാണ് ഇവ കഴിയുന്നതും. ധാന്യം, കിഴങ്ങ്, പഴങ്ങള്‍ എന്നിവയാണ് പ്രധാന ഭക്ഷണം.
No comments:
Post a Comment